Rafupyaden mansookh nahi he

 رفع الیدین منسوخ کے تمام رویات باطل ہیں یہ حدیث اس بات پر حجت ہے👇👇👇👇👇👇

حدیث ابی بکر صدیق رضی اللہ عنہ اور حدیث عبد اللہ ابن زبیر رضی اللہ عنہ

امام بیھقی رحمہ اللہ فرماتے ہیں کہ:

(۲۵۱۹) أخبرنا أبو عبد الله الحافظ، ثنا أبو عبد الله محمد بن عبد الله الصفار الزاهد إملاء من أصل كتابه قال: قال أبو إسماعيل محمد بن إسماعيل السلمي: " صليت خلف أبي النعمان محمد بن الفضل فرفع يديه حين افتتح الصلاة وحين ركع وحين رفع رأسه من الركوع "، فسألته عن ذلك، فقال: " صليت خلف حماد بن زيد فرفع يديه حين افتتح الصلاة وحين ركع وحين رفع رأسه من الركوع " فسألته عن ذلك، فقال: " صليت خلف أيوب السختياني فكان يرفع يديه إذا افتتح الصلاة وإذا ركع وإذا رفع رأسه من الركوع "، فسألته، فقال: " رأيت عطاء بن أبي رباح يرفع يديه إذا افتتح الصلاة وإذا ركع وإذا رفع رأسه من الركوع "، فسألته، فقال: " صليت خلف عبد الله بن الزبير، فكان يرفع يديه إذا افتتح الصلاة وإذا ركع وإذا رفع رأسه من الركوع "، فسألته، فقال عبد الله بن الزبير ": صليت خلف أبي بكر الصديق رضي الله عنه فكان يرفع يديه إذا افتتح الصلاة وإذا ركع وإذا رفع رأسه من الركوع " وقال أبو بكر: صليت خلف رسول الله صلى الله عليه وسلم، " فكان يرفع يديه إذا افتتح الصلاة وإذا ركع وإذا رفع رأسه من الركوع " رواته ثقات

(٢٥١٩) ابواسماعیل محمد بن اسماعیل سلمی فرماتے ہیں کہ میں نے ابو نعمان محمد بن فضل کے پیچھے نماز پڑھی تو انہوں نے نماز شروع کرتے وقت رفع یدین کیا اور رکوع کے وقت اور رکوع سے سر اٹھاتے وقت بھی رفع یدین کیا۔ میں نے ان سے اس بارے میں دریافت کیا تو انہوں نے فرمایا : میں نے حماد بن زید کی اقتدا میں نماز ادا کی ۔ انہوں نے نماز شروع کرتے وقت اور رکوع میں جاتے وقت اور رکوع سے اٹھتے وقت رفع یدین کیا تو میں نے ان سے اس کی بابت پوچھا تو انہوں نے بتایا کہ میں نے ایوب سختیانی کے پیچھے نماز پڑھی ، وہ بھی نماز شروع کرتے وقت اور رکوع میں جاتے وقت اور رکوع سے اٹھتے وقت رفع یدین کرتے تھے۔ میں نے ان سے دریافت کیا تو انہوں نے فرمایا : میں نے عطا بن ابی رباح کو دیکھا کہ وہ نماز شروع کرتے وقت اور رکوع میں جاتے وقت اور رکوع سے اٹھتے وقت رفع یدین کرتے تھے۔ میں نے ان سے پوچھا تو انہوں نے فرمایا : میں نے عبداللہ بن زبیر (رض) کے پیچھے نماز پڑھی تو وہ بھی جب نماز شروع کرتے اور جب رکوع کرتے اور جب رکوع سے سر اٹھاتے تو رفع یدین کرتے تھے۔ میں نے ان سے اس بارے میں سوال کیا تو عبداللہ بن زبیر (رض) نے فرمایا : میں نے سیدنا ابوبکر صدیق (رض) کے پیچھے نماز پڑھی۔ وہ بھی نماز کے شروع میں اور رکوع میں جاتے وقت اور رکوع سے اٹھتے وقت رفع یدین کرتے تھے اور ابوبکر صدیق (رض) فرماتے ہیں کہ میں نے رسول اللہ (صلی اللہ علیہ وآلہ وسلم) کے پیچھے نماز پڑھی۔ آپ (صلی اللہ علیہ وآلہ وسلم) جب نماز شروع کرتے تو رفع یدین کرتے اور جب رکوع کرتے اور جب رکوع سے سر اٹھاتے تو بھی رفع یدین کرتے تھے۔ (امام بیھقی فرماتے ہیں کہ) اس حدیث کے راوی ثقہ ہیں ہیں۔

[ سنن کبری للبیہقی جلد دوم صفحہ 107 حدیث 2519]

یہ حدیث مسلسل بالکل صحیح ہے اس کے تمام راوی ثقہ ہیں۔ اور سند بھی صحیح ہے

یہ حدیث اس بات کی قطعی دلیل ہے کہ رفع الیدین منسوخ نہیں ہوا۔ کیوں کہ ابو بکر رضی اللہ عنہ نے نبی صلی اللہ علیہ وسلم کے پیچھے آخری نمازیں بھی پڑھی ہیں۔ تو اس سلسلے میں وہ آپ صلی اللہ علیہ وسلم کی نماز سے سب زیادہ با خبر تھے اور پھر حدیث بھی بیان کی اور پھر رفع الیدین والی حدیث پر سیدنا ابو بکر صدیق کا عمل بھی تھا اور پھر اسی پر ابن زبیر رضی اللہ عنہ کا عمل تھا اور اسی حدیث مسلسل میں تابعی، تب تابع کا بھی عمل ہے۔

اگر رفع الیدین نبی صلی اللہ علیہ وسلم نے چھوڑا ہوتا تو ابو بکر صدیق چھوڑ دیتے، ابو بکر رض نے چھوڑا ہوتا تو ابن زبیر رض چھوڑ دیتے۔ لیکن پتا کیا چلا ابو بکر رضی اللہ عنہ نے رفع الیدین پر عمل کیا وہ عامل رہے اس رفع الیدین پر، یعنی رفع الیدین منسوخ نہیں ہوا جن لوگوں کا یہ کہنا ہے کہ رفع الیدین منسوخ ہو گیا یہ حدیث ان کے دعوی کو باطل ثابت کرتی ہے

اس حدیث کی تحقیق:

سنن کبری للبیہقی جلد دوم صفحہ 107 حدیث 2519 میں نماز میں رفع الیدین کا تسلسل اور حضرت ابوبکر صدیق رضی اللہ عنہ کا عمل منقول ہے۔ اس روایت کا متن یہ ہے کہ ابو إسماعيل محمد بن إسماعيل السلمي نے فرمایا کہ میں نے ابو النعمان محمد بن الفضل کے پیچھے نماز پڑھی تو انہوں نے تکبیر تحریمہ کے وقت، رکوع کرتے وقت اور رکوع سے سر اٹھاتے وقت رفع الیدین کیا۔ جب ان سے پوچھا گیا تو انہوں نے حماد بن زيد، انہوں نے أيوب السختياني، انہوں نے عطاء بن أبي رباح، انہوں نے عبد الله بن الزبير، اور انہوں نے سیدنا ابوبکر الصدیق رضی اللہ عنہ سے یہی عمل نقل کیا۔ روایت کی تفصیلاتراویِ اول: ابو إسماعيل محمد بن إسماعيل السلمي اساتذہ کا تسلسل: ابو النعمان ← حماد بن زيد ← أيوب السختياني ← عطاء ← عبد الله بن الزبير ← ابوبکر الصدیق موضوع: رفع الیدین عند الرکوع اور رفع الرأس منہ (رکوع جاتے اور اٹھتے وقت ہاتھ اٹھانا)

ابو فرقان محمد

فقیہ بابا